crossorigin="anonymous">
 

1, 8 milyon dola pou yon pè tenis Kanye West


Nan yon vant “aux enchères” Shoteby’s tap òganize, yon platfòm envestisman achte yon pè tenis Nike Air Yeezy 1 pou 1, 8 milyon dola.


Tenis sa yo se rapè ameriken an Kanye West ki te enspire yo e se li tou ki te mete yo. Montan sa a, se twa fwa plis pase pi gwo lajan yon moun te peye yon pè tenis.


Se Air Jordan 1 Nike la ki te genyen rekò a depi out 2020 aprè yo te fin peye 615 mil dola pou yo nan yon vant Christie’s te òganize.


Tenis Kanye West yo se premye pè modèl Yeezy a ki te prezante an piblik. Lè sa a Kanye West te mete yo nan okazyon Grammy Awards 2008 yo. Nan epòk sa a se te yon pwototip. Modèl la te vin disponib sou mache a an avril 2009.


Se Rares, yon platfòm Gerome Sapp, yon ansyen jwèt foutbòl ameriken, te lanse nan mwa mas pase a, ki achte tenis sa yo. Gras ak platfòm sa a, plizyè moun kapab mete ansanm pou yo achte tenis ki ra yo pa tap ka achte poukont yo.

Air Yeezy 1 te lanse an 2009, an 2012 yo te lanse Air Yeezy 2. Jodi a, pou yon moun achte yon pè Air Yeezy 1 li ka koute w ant 2.000 ak 4.000 dola.

0 comments