crossorigin="anonymous">
 

1 pasaje mouri nan yon bis pandan yon atak ame nan Titanyen


Yon pasaje pèdi lavi l maten samdi 29 me 2021 sa nan zòn Titanyen pandan yon atak bandi ame fè sou yon bis transpò piblik.


Pandan atak sila, Johnny Ferdinand ak Ganito François ki se 2 jounalis k ap travay pou Radio Télévision Caraïbes manke mouri, daprè enfòmasyon jounalis Luckson Saint-Vil rapòte.


Pasaje ki fè vwèl pou peyi san chapo a te chita tou pre jounalis Ganito François, li mouri sou plas aprè li fin pran yon bal nan tèt, toujou daprè enfòmasyon Luckson Saint-Vil rapòte.


Pou moman n ap ekri atik la, nou poko konnen ki rezon ki ta alabaz atak sila.


Jacky M. Fontaine

TANBOU VERITE

0 comments