crossorigin="anonymous">
 

2 Jounalis espanyòl mouri nan yon atak ame nan peyi Burkina Faso


De jounalis espanyòl jwenn lanmò yon an yon forè nan sid Burkina Faso nan moman yo tap anrejistre yon dokimantè sou braconaj, youn nan biznis kantab pou gwoup ame yo kap donnen tankou djondjon nan peyi sa a.


David Beriáin ak Roberto Fraile, de pwofesyonèl ki gen eksperyans nan kontèks difisil, ansanm ak yon lòt enfòmatè Ilandè non li pa revele, te entegre yon konvwa militè ki gen 40 sòlda ki tap fè patwouy nan pak natirèl Arly, tou pre fwontyè ak Benen. Yo te filme avèk yo pandan yon semèn . Militè yo te swiv yon fòmasyon “anti-braconnage” pandan sis (6) mwa.


Yo te pèdi kontak ak yo lendi vè 3:30 nan aprèmidi nan moman yo te nan pak la. Kèk moun dekri espas sa a tankou yon "zòn danjere paske li se yon jaden operasyon pou teroris, brakonye ak bandi." Nan yon premye tan, medya lokal yo rapòte atak sa a te lakòz twa blese ak kat moun ki disparèt. Answit, sous sekirite yo endike ravisè yo te touye twa oksidanto yo epi blese plizyè lòt moun nan anbiskad la.

Pandan atak sa a, ki te fèt tou pre vil Pama, kapital pwovens lan, asayan yo te pwofite vòlè zam ak ekipman militè yo.


Se militan ki soti nan « Front de Soutien Islam et Musulman », yon òganizasyon ki lye ak Al Qaeda ki te fèmen machin yo epi kòmanse tire sou yo . Yo deja revandike lanmò a sou entènèt la. Kèk temwen ensidan an, 2 sòlda ki te sove blese anba kout zam, te deklare bay kòmandman yo yo te eseye pwoteje jounalis yo, men rive yon moman yo te akable e yo te kouri. Pou moman sa a, yo lopital, kote yap pran swen aprè medsen yo fin opere yo. Sa yo ki pat gen chans kouri asayan yo te fin touye yo.


Lanmò de (2) jounalis sa yo vin fè genyen deja 12 jounalis espanyòl ki mouri nan zòn ki gen konfli depi 1980.

0 comments