crossorigin="anonymous">
 

Agrikilti/ Peyizan anpil kote nan latibonit Paka jwenn dlo pou fè jaden

Updated: Apr 6, 2021

Abitan nan Belè, mowo Pèy, sou komin Ti rivyè Latibonit, Chawon premye seksyon Desalin ak anpil lot zòn ankò ap plenyen akoz dlo ki pa genyen nan kanal yo pou fè jaden.


Samdi 6 Mas 2021 an plizyè jounalis ak dives responsab FASIVAL (Federasyon Irigan vale Latibonit) te fè yon vizit nan zòn sa yo. Vizit sa a se te okazyon pou responsab FASIVAL yo moutre eta kanal kousen ki pa pwòpte depi plizyè ane.


Roody Guillaume, vis-prezidan FASIVAL, bay divès rezon kita lakoz dlo pa desann nan anpil zòn. Selon li menm, se paske nèg baz gran grif yo nan savyen bloke dlo a.


Responsab la kontinye pou fè konnen leta santral pa bay ase mwayen ak ODVA

( Òganizasyon pou Devlopman Vale Latibonit) pou l' ranpli kòrekteman misyon l' ki se pèmèt dlo rive nan jaden plantè yo.


Nan Chawon, premye seksyon Desalin, se menm pwoblem nan. Pa gen dlo pou fè jaden ak pou bay bèt bwè.


Martine Chérilus, majistra annaprè komin Desalin, denonse gwo pwoblèm sila ki lakoz anpil sitwayen oblije abandone zòn sa yo, paske se sou jaden peyizan yo konte pou yo viv, peye lekòl ak inivèsite pou timoun yo.

Peyizan nan zòn sa yo pa konn a ki sen pou yo adrese yo fas ak gwo pwoblem dlo sa a yo genyen nan vale a.


Daniel Danio

Latibonit

Tanbou Verite

0 comments