crossorigin="anonymous">
 

An 2021, Izrayèl touye anviwon 319 palestinyen ladan yo 71 timoun

2021, se ane ki pi mòtèl pou Palestinyen yo depi 2014 dapre B’Tselem. Ane ki sot pase se ane ki te pi mòtèl pou Palestinyen yo depi 2014, dapre yon nouvo rapò B’Tselem, ONG Izrayelyen dwa moun, pibliye madi 4 janvye a. Chif yo pa bèl ditou : Pou pi piti, 319 Palestinyen pèdi lavi yo anba men pèp Izrayèl la nan ane 2021 an, ladan yo 71 minè. Yon lòt bò, nèf Izrayelyen tonbe anba men palestinyen yo menm ane sa.

Premye ane kote gen tout Palestinyen sa yo ki egzekite pa militè Izrayelyen yo, selon sa rapò a eksplike.Nan Gaza, B’Tselem te anrejistre 236 moun ki mouri, prèske tout tonbe pa bonbademan Izrayelyen yo pandan lagè a nan mwa me pase a, kote ki gen anpil moun, kote majorite popilasyon sivil ap viv.

Yon lòt kote, 77 moun te peri pa sòlda Izrayelyen yo, rezilta sa rantre nan politik militè Izrayelyen an ki pèmèt yo tire bon bal sou Palestinyen yo.


Dror Sadot, pòt pawòl B’Tselem, di : « Ofisyèl Izrayelyen yo, minis yo, ofisye lame yo, konseye legal yo, tout jistifye politik kanibal sa a. Epi yo ensiste pou yo di ke « ka sa eksepsyonèl » yo anba envestigasyon, men an reyalite, fiziyad sa yo fè pati yon woutin, e prèske pèsonn pa responsab aksyon sa yo. »

Genyen tou, sis Palestinyen ki peri pa kolon ame, sòlda ki akonpaye yo, oswa sivil Izrayelyen yo. Vyolans kolon pa twò fè pati vyolans leta, selon Dror Sadot : « Se yon zouti mwens ofisyèl ke pèp Izrayèl la itilize pou pran plis prekosyon ak peyi Palestin, ak objektif pou kreye yon eta Ini Jwif ant Rivyè Jouden an ak lanmè Mediterane a.


Pèp Izrayèl la te etabli tou yon rekò demolisyon : 895 Palestinyen, mwatye nan yo se timoun, te pèdi kay yo an 2021.



Luckensly LUMA

 


0 comments