crossorigin="anonymous">
 

*Asasina Jovenel Moïse : jounal ameriken Miami Herald fè gwo revelasyon*

<< Vi m an danje... Vini sove lavi m ! (Ma vie est en danger... Venez me sauver la vie !) >>. Mo sa yo, se mo Jovenel Moïse pwononse kèk minit anvan li asasine. Daprè Miami Herald, prezidan Jovenel Moïse te tante rele pou yo pote l èd anvan menm yo asasine l. Pi lwen, jounal ameriken an presize ak 1è34 nan maten, Jovenel Moïse ta tou dabò rele komisè polis nasyonal la, kèk minit aprè li tande son kout zam nan katye kote li te abite a. Miami Herald fè konnen Jovenel Moïse ta rele aprè yon ofisye taktikman ki fòme pa Polis Nasyonal Ayiti a. Ofisye sa te tousuit pran wout la, mobilize kèk efektif. Men, kakofoni ant diferan ekip yo ki te dwe pwoteje prezidan te konplike rive sou lye kote zak asinay la fèt la ofisye a ak kèk efektif li te mobilize, daprè sa jounal ameriken an detaye, li esplike tou pandan pa gen moun prezan nan kay prezidan an, se pitit Jovenel Moïse yo ki te tante vini pote èd ak manman yo ki blese ak bal. Jovenel Moïse te byen tante rele mande èd alòske 3 ekip te poutan chaje sekirite l. Jovenel Moïse mouri asasine nan lannuit madi 6 pou louvri mèkredi 7 jiyè 2021 lakay li nan Pèleren 5. Li resevwa 12 bal daprè enfòmasyon otorite gouvènman an kominike ak laprès. Fineray Jovenel Moïse ap chante vandredi 23 jiyè k ap vini la. Jacky M. Fontaine TANBOU VERITE

0 comments