crossorigin="anonymous">
 

Asasina Jovenel Moïse : kowòdonatè sekirite prezidansyèl la Jean Laguel Civil arete

Updated: Jul 29, 2021

. .

Direksyon Santral Polis Jidisyè (DCPJ) arete kowòdonatè Inite Sekirite Prezidansyèl (USP) la ak responsab CAT TEAM nan Jean Laguel Civil lendi 26 jiyè 2021 an, daprè enfòmasyon plizyè medya lokal rapòte. Komisè divizyonè a akize li patisipe nan asasina ansyen prezidan Jovenel Moïse ki mouri asasine nan lannuit madi 6 ak mèkredi 7 jiyè 2021 lakay li nan Pèleren 5.


Jean Laguel Civil se Komisè Divizyonè, Responsab CAT TEAM ak Kowòdonatè Inite Sekirite Prezidansyèl ki te gen avi rechèch dèyè l. DCPJ rive arete l epi fèmen l nan Komisarya Delma 33 "pour les suites nécessaires".


N ap souliye, Jean Laguel Civil te deja frape pa yon mezi konsèvatwa nan men Enspeksyon Jeneral Polis Nasyonal Ayiti (IG-PNH).


Nan dosye asasina Jovenel Moïse la, otorite lapolis ak jidisyè yo toujou ap chache tankou chen fou ansyen senatè John Joël Joseph, Badio Joseph Felix, Jaar Rodolphe (Dodof) ak jij Wendelle Thelot Coq.


Jacky M. Fontaine

TANBOU VERITE

 

0 comments