crossorigin="anonymous">
 

Asasina Jovenel Moïse: Primati a kondane zak sa a

Nouvèl la genyen efè yon bonb ! Moun yo pa rive idantifye asasinen prezidan de-facto Jovenel Moïse nan lannwit sòti 6 rive 7 jiyè 2021 nan Pèleren 5 lakay li.



Nan yon kominike ki pote siyati Premye Minis ki la pou ti bout tan an, Dr. Claude Joseph, Primati a di li kondane zak kriyèl, inimen ak sovaj sa a.


Dr. Claude Joseph ak CSPN nan mande popilasyon an rete tèt frèt. Primati a afime sitiyasyon sekiritè peyi a sou kontwòl Polis Nasyonal Dayiti ak Fòs Lame Dayiti.


Premye minis de-facto Claude Joseph di tout mezi pran pou garanti kontinite Leta ak pwoteje Nasyon an.


Kominike a presize se vè 1è nan maten, nan lannwit sòti madi 6 rive mèkredi 7 jiyè 2021, yon gwoup endividi yo pa rive idantifye te atake kay Prezidan Repiblik la, dezame sekirite yo epi blese mòtèlman Chèf Leta a.


Kominike a rapouswiv pou li di Premye Dam nan blese ak bal, pou kounye a lap pran swen ka li a nesesite.


Nap souliye jiskaprezan poko gen twòp endis ki bay sou idantite moun ki komèt zak sa a. Nan yon videyo kap sikile sou rezo sosyal yo nou ka sèlman tande kèk moun kap pale anglè ak espanyòl.


Jacky M. Fontaine

TANBOU VERITE

0 comments