crossorigin="anonymous">
 

Asasina prezidan Jovenel Moïse : PM ai Claude Joseph deklare "etat de siège" sou tout teritwa a

Aprè zak sasinay ki fèt sou prezidan peyi a, Jovenel Moïse, nan rezidans prive l' nan Pèleren 5, konsèy minis yo pibliye yon arète ki deklare état de siège sou peyi a.



État de siège la se yon konsèp politik. Yo adopte li nan ka kote yon peyi konfwonte a yon sitiyasyon ki grav. Pouvwa lejislatif la (palman an) kapab vote l', konsa tou pouvwa egzekitif la kapab deklare l'. Li pèmèt yo pran gwo mezi ki kapab ede asire oswa retabli lòd piblik.


État de siège konsèy minis yo deklare aprè lanmò Jovenel Moïse la ap dire 15 jou. Lap pèmèt pouvwa egzekitif la jwenn enfòmasyon epi pran kèk mezi kap ede yo rive jwenn moun oswa gwoup moun ki dèyè zak sa a epi trennen yo devan lajistis.


Nap souliye Claude Joseph siyen arète sa a kòm premye minis. Yon fè ki parèt etranj lè n' konnen Jovenel Moïse te nome yon nouvo premye minis nan jou ki pase yo.

0 comments