crossorigin="anonymous">
 

Atak sou Bèlè : 13 moun mouri, 5 moun disparèt, 4 lòt blese daprè RNDDH

Rezo Nasyonal Defansè Dwa Moun nan drese yon bilan nan yon kominike li pibliye mèkredi 7 avril sa. Rezo a presize 13 moun mouri, 5 lòt disparèt, 4 moun blese ak pou piti yon ventèn kay boule pa nèg Wilson Pierre alyas Ti Sonson yo nan atak ki fèt sou katye popilè Bèlè a.


Katye Bèlè te atake ant 31 mas ak 1 avril 2021 an pa yon gwoup ame ki rele "Krache dife". Rezo Nasyonal Defansè Dwa Moun nan nan kominike sa tounen sou rezon ki ta alabaz atak sa yo kont katye popilè sa. Rezo a eksplike gwoup ame "Krache Dife" te dirije l Bèlè aprè 2 tantativ kidnaping li rate.


Pandan plizyè atak sa yo pandan 2 jou sa yo, 31 mas ak 1 avril, bandi yo retire lavi 6 moun sa ki mete bilan antèm moun ki mouri pa bal ak dife ak 16, daprè RNDDH. Fòk nou fè remake yon granmoun 78 an boule tou vivan pa bandi ame ki se manm gwoup "G9 an fanmi e alye", daprè sa Rezo a rakonte an fonksyon temwayaj li jwenn bò kote kèk abitan zòn nan.


Rezo Nasyonal Defansè Dwa Moun nan rekòmande ak otorite yo pou yo fè tout sa ki depann de yo pou pwoteje abitan Bèlè yo ki te deja sibi atak endividi ame pandan 3 fwa deja.


Jacky M. Fontaine

TANBOU VERITE

0 comments