crossorigin="anonymous">
 

Ayiti ap jwe ak Nikaragwa madi 8 jen 2021

Seleksyon Ayisyèn nan ap mete l bapboubap ak seleksyon Nikaragweyèn nan madi 8 jen 2021 an nan yon match ki konte pou eliminatwa koupdimond Qatar 2022.



Rankont Ayiti-Nikaragwa ap jwe san piblik madi sa nan estad Sylvio Cator, daprè enfòmasyon nou rive jwenn. Federasyon Ayisyèn Foutbòl la aplike desizyon Ministè Jenès, Espò ak Aksyon Sivik la pou goumen kont pwopagasyon kowonaviris la nan peyi a.



N ap fè konnen, ekip Nikaragwa deja twouve l nan peyi a. Li efektye yon seyans antrènman dimanch 6 jen an nan pak Sainte-Thérèse Petyonvil. Anvan match li kont Grenadye yo, Nikaragwa fè yon lòt seyans antrènman jodi lendi 7 jen sa nan estad Sylvio Cator.


Kite nou siyale, Seleksyon Ayisyèn nan te malmennen Tikennkaykòs 10 gòl a 0, samdi 5 jen pase a. Premye mitan te fini 5 gòl a 0., nan dezyèm mitan, Grenadye yo te make 5 lòt gòl ankò.


N ap raple, seleksyon nasyonal la ap jwe madi 8 jen 2021 sa nan estad Sylvio Cator kont seleksyon Nikaragwa.


Jacky M. Fontaine

TANBOU VERITE

0 comments