crossorigin="anonymous">
 

*Ayiti: Asasina. Yon polisye mouri ankò nan PNH la.

Updated: Apr 4, 2021


PNH la sou kont Twitter li konfime lanmò polisye Jean Daniel Michel ki, daprè yo, ta sanble youn pami moun ki te al piye Universal Motors la ak gwoup Fantom 509, ki vòlè machin ak motosiklèt, avan yo mete dife nan kèk espas nan building nan, nan kad yon manifestasyon ki te fèt mèkredi pase a nan kapital la.


Toujou daprè nòt PNH la se gang Simon Pelé ki te riposte pou anpeche plis dega fèt. Men sa pa anpeche chèf gang lan Israël mouri aprè l' fin resevwa yon bal nan kou.


La polis ap ankete paske gen pwobabilite pou gen lòt polisye ki viktim.


Nòt sa a ki pa manke soulve kòlè anpil moun pami yo yon frè l' ki t ap entèveni sou yon estasyon radyo maten an konsidere nòt sa tankou yon mank respè pou depouy frè l' la.


Fò n' souliye, daprè sa kèk moun rapòte, polisye sila a pat nan lari jou sa, se kay menaj li ki rete Simon Pelé li te ye, lè Zak sa yo t ap fèt jou mèkredi sa a. Se pandan l' ap sòti li resevwa plizyè bal.


Jiskaprezan paran viktim nan poko ka jwenn kò a paske, daprè kèk moun, chèf gang Simon-Pele yo pa deside bay kò polisye a.

0 comments