crossorigin="anonymous">
top of page

Ayiti : FJKL fè konnen yon swasantèn asasina anrejistre pandan yon semenn

Beny san nan Pòtoprens. Daprè bilan Fondasyon Je Klere (FJKL) mete deyò nan dat 1e jiyè 2021 sou sitiyasyon sekiritè peyi Dayiti, prèske 60 moun mouri nan Pòtoprens pandan 5 jou, sòti 25 rive 30 jen 2021.


Fondasyon Je Klere di se yon bilan ki trè lou. Daprè FJKL, 25 jen 2021, omwen 40 moun mouri nan Site Solèy ; 29 jen 2021, masak nan Delma 32, yon kenzèn moun pèdi lavi yo pami yo jounalis Radio Vision 2000 Diego Charles ak militan politik opozisyon ak pòt-pawòl Matris Liberasyon Antoinette Duclaire.


FJKL rapousuiv pou di 30 jen 2021 moun mouri nan Petyonvil, Maglwa Anbwaz ak sou Wout Frè. Fondasyon Je Klere presize tren lanmò a pote ale yon kanbis nan Petyonvil, yon mekanisyen tout moun konnen nan ri Maglwa Anbwaz ak 2 lòt moun nan Frè.


Fondasyon Je Klere fè remake nan mwens pase 8 jou, sòti 25 pou rive 30 jen 2021, prèske yon swasantèn moun mouri nan Site Solèy, ri Maglwa Anbwaz, Dèlma ak Petyonvil.


Fondasyon Je Klere fini pou di nan rapò sa sou sitiyasyon latwoublay nan rejyon metwopolitèn nan li mande otorite yo pou respekte obligasyon yo pou pwoteje dwa sitwayen ak sitwayèn yo genyen.


Jacky M. Fontaine

TANBOU VERITE

0 comments
bottom of page