crossorigin="anonymous">
top of page

Ayiti : kowonaviris la pa sispann touye moun

Pandemi kowonaviris la kontinye ap fè viktim nan peyi a, direktè sant etid segondè a Patrick Pompilus mouri lendi sa aprè li fin kontrakte maladi a, daprè AHP.



Jodi a lendi 31 me 2021 se fen 8 jou peryòd ijans sanitè a ki te dekrete pa pouvwa anplas la. Nan entèval la, ka kontaminasyon COVID-19 yo ogmante ak yon vitès enpresyonan nan peyi a.


Daprè yon kominike ki pibliye pa otorite sanitè yo, 6 moun mouri ak 112 nouvo ka enfeksyon resanse pou jounen 26 me pase a, ka moun ki mouri yo anrejistre nan depatman lwès ak nò.


Ministè sante piblik ak popilasyon ankouraje popilasyon an pou aplike konsiy sanitè yo pou kapab limite pwopagasyon viris la.


Jacky M. Fontaine

TANBOU VERITE

0 comments
bottom of page