crossorigin="anonymous">
 

Ayiti : plizyè moun deja mouri akòz Kowonaviris

Direktè Jeneral ONA Chesnel Pierre, Jij de Pè nan Nòdwès Édy Grevé, Direktè kolèj Excelsior pastè Emmanuel Sanon mouri akòz kowonaviris, daprè enfòmasyon plizyè medya ayisyen releye ak konfime.



Se konfime, Direktè Jeneral Ofis Nasyonal Asirans-Vyeyès (ONA) mouri nan lannuit vandredi 21 me 2021 an ak COVID-19, daprè enfòmasyon HCI releye ki di tou se daprè premye eleman enfòmasyon yo-se yon sous pwòch gouvènman ki enfòme l sa. Prezidan Jovenel Moïse nan yon twit li fè samdi 22 me sa li di : << Mwen aprann avèk emosyon nouvèl tris lanmò DG ONA Mesye Chesnel Pierre. Nan non Administrasyon m nan ak nan non pa m, mwen prezante nan sikonstans anmè sa kondoleyans mwen ak manm fanmi ak pwòch defen an epitou ak anplwaye enstitisyon an. >>.


N ap di tou, Jij sipleyan tribinal de pè nan Pòdpè Mèt Édy Grevé mouri tou vandredi 21 me 2021 an akòz COVID-19, daprè enfòmasyon ki konfime pa Jij enstriksyon Mèt Ikenson Édumé (Vant Bèf Info). Majistra mouri ak Kowonaviris nan lopital 'pointe des Palmistes', daprè yon nòt Asosiyasyon Nasyonal Grefye Ayisyen yo (ANAGH) *(Vant Bèf Info).


Daprè 'Radio Télé Métronome', Direktè kolèj Excelsior pastè Emmanuel SANON fè vwèl pou peyi san chapo vandredi 21 me a nan aswè akòz konplikasyon ki lye ak COVID-19. Medya sila di enfòmasyon sa konfime pa yon sous pwòch fanmi Emmanuel Sanon.


Jacky M. Fontaine

TANBOU VERITE

0 comments