crossorigin="anonymous">
 

Bahamas: otorite arete plizyè moun ak fo tès kowona


Yè lendi a, otorite yo nan peyi Bahamas anonse yo mete anba kòd anpil moun ak fo tès kowona epi yo tou voye yon pinga bay moun ki gen entansyon fè sa.


Nan yon kominike, lapolis fè konnen yo gentan plizyè moun devan lajistis pou koze sa a e gen ladan yo pou moman sa a kap reflechi dèyè 4 miray.


Devan sitiyasyon sa a, otorite yo deside tout moun yo kenbe ak yon fo tès ap peye yon amand 2 000 dola, oswa lap pase de (2) zan nan prizon, oubyen tou li ka pran tou 2 pèn yo.


Semèn pase a, lajistis te kondane Jasmine Pyfrom, yon jèn dam 21 lane, pou li pase 6 mwa nan prizon paske l' te bay yon fo tès nan moman li tap eseye vwayaje.

0 comments