crossorigin="anonymous">
 

Biden voye yon pinga bay Poutine

Jedi premye avril la, dirijan yo nan peyi «Ukraine» eksprime enkyetid yo aprè plizyè sòlda Larisi ak gwo materyèl fin debake nan fwontyè ant de (2) peyi yo.


Larisi bay asirans se pa sou konfli li ye. Yo tou pwofite mete dirijan oksidantal yo an gad pou yo pa fè okenn enjerans militè epi avèti dirijan ikrenyen yo pou yo evite fè pwovokasyon.

Se pa jodi a konfli ant Larisi ak «Ukraine» nan la. Dirijan ikrenyen yo akize dirijan Larisi kòm kwa yap apiye separatis nan lès peyi a. Yon dosye ki mete gwo dezakò ant 2 peyi yo.


Dirijan ameriken yo kote di aksyon agressif Larisi ba yo gwo kè sote e mande dirijan yo pou yo evite tout aksyon ki ka debouche sou yon konfli.


Chapit sa a sanble vin konplike pi plis relasyon ki genyen ant dirijan Larisi ak dirijan ameriken yo nan kòmansman manda Joe Biden nan. Nap raple pa gen lontan prezidan ameriken an te deklare prezidan ris la se yon kriminèl.

0 comments