crossorigin="anonymous">
 

Bilan definitif tranbleman tè 14 dawout 2021 an elve a 2 248 mò epi 12 763 blese

Direktè jeneral Pwoteksyon Sivil, Jerry Chandler anonse ototal genyen 2 248 moun ki moun mouri ak 12 763 moun blese nan tranbleman tè 14 dawout pase a ki te ravaje depatman Sid, Nip ak Grandans. Se sekretarya pèmanan jesyon ris ak dezas ki prezante jedi 9 septanm nan bilan definitif tranbleman tè 14 dawout la.


Tranbleman tè sa ki afekte gran Sid la touche 690 000 moun epi 53 000 kay kraze. Direktè Jerry Chandler fè konnen plis pase 70 000 fanmi nan gran Sid la deja benefisye yon asistans.


Bò kote pa minis Enteryè ak Kolektivite Tèritoryal la, Liszt Kithel pwomèt pou kontinye travay pou ede viktim tranbleman tè 14 dawout yo. Minis lan remèsye patnè entènasyonal yo, gouvènman ayisyen an epi eli lokal yo daprè sa l di ki kontinye ap pote èd yo ak viktim tranbleman tè 14 dawout 2021 yo.


Direktè Pwoteksyon Sivil la, Jerry Chandler pwofite pou remèsye li menm tou tout patnè yo daprè sa l di ki te kolabore ak Direksyon Jeneral Pwoteksyon Sivil pou ede viktim yo nan depatman Sid, Nip ak Grandans.


Jacky M. Fontaine

TANBOU VERITE

 

0 comments