crossorigin="anonymous">
 

Biwo prezidan an demanti enfòmasyon ki fè kwè li manke mouri Jan Rabèl


Nan yon kominike li pibliye yè dimanch lan, biwo prezidans lan demanti enfòmasyon kap sikile sou rezo sosyal yo ki ta fè kwè prezidan an manke mouri nan Jan Rabèl nan moman kòtèj li a tap eseye travèse yon rivyè ki tap desann.


Daprè kominike a, prezidan an tap pase vakans pak yo Mòl Sen Nikola. Lè l' aprann inondasyon ki frape zòn nan li deside al ede popilasyon an. Men se pa li pèsonèlman ki te enplike.


Kominike a kontinye pou l' di prezidan an pa gen machin Nissan Patrol nan kòtèj li epi denonse yon laboratwa «informel et vénéneux» kap fabrike fo enfòmasyon nan sosyete a.


Nap raple yè aprèmidi gen 2 foto ki tap fè aktyalite sou rezo sosyal yo. Sou youn te genyen 2 Nissan Patrol nan mitan yon rivyè kap desann, sou lòt la nou te ka wè prezidan an nan yon eta ki pa fin twò kòrèk ak yon mayo seleksyon nasyonal la sou li.

0 comments