crossorigin="anonymous">
 

Brezil :Lapolis arete yon fanm akoz li ta touye mari l' epi fri peni l' aprè

Lapolis nan Rio de Janeiro arete nan kòmansman semèn sa a yon fanm yo sispèk ki ta touye mari l', koupe peni l' epi fri l' nan yon pwelon.



Krim sa a fèt nan katye Santa Catarina, nan vil São Gonçalo.


Dayane Cristina Rodrigues Machado ki gen 33 lane, ta komèt krim sa a lendi 7 jen pase a vè 4è nan maten.


Pa gen twòp detay sou viktim nan ki sèlman idantifye sou non Andre.


Lapolis sezi kouto ki te sèvi pou komèt zak men yo poko konnen kisa ki ta pouse jèn fi a fè l'. Pou kounye a gen ankèt kap mennen pou plis limyè ka fèt sou dosye sa a.


Dayane ak Andre te pase 10 lane ansanm men yo te separe depi de (2) lane. Selon rapò fanmi an, koup lap plede kite tounen. Yo te gen de (2) pitit, yon ti gason 8 lane ak yon tifi 5 lane. Menm si yo te separe, yo te toujou ap jere pizzeria a yo a.


Jou zak la, yo te ale ansanm nan yon restoran. Lòbèy pete nan mitan yo epi Andre sanble ta frape youn nan timoun yo.


Daprè avoka fi a rapòte, diskisyon an te kontinye menm lè yo te rive lakay yo. A yon moman, Dayane te pè pou lavi l' akoz menas Andre tap fè l'.


Fanmi ak avoka Dayane fè konnen Andre te konn agrese l'. Li te pote plent pou li deja lapolis ane pase. Yon vèsyon fanmi Andre demanti.


Daprè yon sè viktim nan, diskisyon an te fèt akoz Dayane te fache kont Andre ki te twonpe l'.


Avoka Dayane yo di li regrèt sa k' pase a e li te deside pote tèt li bay lapolis.

0 comments