crossorigin="anonymous">
 

CARDH prezante yon rapò katastwofik sou sitiyasyon sekiritè ak imanitè nan Pòtoprens

Sant Analiz ak Rechèch nan Dwa Moun (CARDH) prezante yon rapò detaye sou degradasyon sitiyasyon sekiritè ak imanitè nan rejyon metwopolitèn Pòtoprens lan sòti peryòd 1e janvye rive 15 jen 2021.


Sitiyasyon sa make sitou pa afwontman gang rival yo nan Matisan, Ba Delma ak Site Solèy kote 47 moun asasinen pami yo 27 polisye.


Yon lòt bò, Sant Analiz ak Rechèch nan yon rapò li pibliye lendi 21 jen 2021 an revele anviwon 10 mil moun yo fòse deplase ak 47 lòt asasinen pami yo 27 polisye, pou yon peryòd sòti 1e jen rive 15 jen 2021 nan kad afwontman ant gang Gran Ravin, Ti Bwa, Vilaj de Dye, Ba Delma ak Site Solèy.


Daprè Sant Analiz ak Rechèch, afwontman sa yo gen gwo konsekans anmenmtan sou dwa moun ak sou plan imanitè.


Pou fini, Sant Analiz ak Rechèch envite otorite lokal yo, sistèm imanitè ak Leta pou travay sou yon plan pou yon kout dire pou fasilite moun ki deplase yo retounen lakay yo. Sant Analiz ak Rechèch pwomèt pou l kontinye fè travay 'monitoring' sou tèren nan objektif pou avèti de yon danje opinyon nasyonal ak entènasyonal la sou kesyon an.


Malgre tout vyolans, tout asasina, tout zak piyaj k ap rive nan peyi a nan moman, anpil moun relve sa ki entèrese ONU ak OEA se eleksyon ki konstui sou "sable mouvant".


Otorite de-facto yo enpisan jouk jodi a pou kanpe anfas konpòtman sanginè gang yo ki toujou afime yo se "boss" isit la, malgre chèf a.i. polis nasyonal la pa sispann fè pwomès.


Jacky M. Fontaine

TANBOU VERITE

0 comments