crossorigin="anonymous">
 

Carla Barnett eli sekretè jeneral CARICOM

Dr Carla Barnett vini premye fi ki eli sekretè jeneral kominote Karayib la (Caricom), nan plas diplomat dominiken na, Irwin LaRocque, kap gen pou li kite pòs la nan mwa Out kap vini la a.

Desizyon sa a te pran pandan 21yèm Reyinyon Espesyal vityèl lidè rejyonal yo. Se prezidan Caricom nan, Dr Keith Rowley, ki te dirije reyinyon sa a.


Barnett se tou premye fanm ki te okipe pòs sekretè jeneral adjwen òganizasyon sa a ant 1997 ak 2002.


Li fòme nan University of West Indies (UWI) kote li te fè yon doktora nan Syans Sosyal. Li fè tou yon metriz nan Ekonomi nan University of Western Ontario nan Kanada, ak yon bakaloreya nan Ekonomi nan UWI la.



Li travay kòm ekonomis ak konsiltan nan Karayib anglofòn nan. Li te kòmanse karyè l’ nan Depatman Rechèch Bank Santral Beliz nan kòmansman ane 1980 yo, epi kontinye nan Depatman Ekonomi Bank Devlopman Karayib la nan fen ane 1980 yo. An 1991, li te premye fanm ki te nome Gouvènè Adjwen Bank Santral Beliz e an 1997, li te vin premye fanm Sekretè Jeneral Adjwen Kominote Karayib la (CARICOM). An 2004, nli te premye fanm yo nome kòm Sekretè Finansye nan Beliz, epi, gras ak sa, li te dirije ekip ki tap jere kriz fiskal ak dèt piblik Beliz la epi negosye restriktirasyon premye nan dèt eksteryè Beliz la an 2007. Li tounen nan Bank Devlopman Karayib la kòm Vis Prezidan (Operasyon) nan peryòd 2012 a 2014.



Kòm konsiltan, li te bay sèvis konsiltatif nan domèn analiz pwogram, devlopman ak evalyasyon, planifikasyon patisipatif ak konsèy politik ekonomik pou yon seri kliyan tankou Bank Devlopman Entè-Ameriken, Sekretarya CARICOM nan, Ajans Kanadyen Devlopman Entènasyonal, Pwogram Nasyonzini pou Devlopman, elatriye.

Pandan manda li nan Caricom kòm sekretè jeneral adjwen li te reòganize Sekretarya Caricom nan ki twouve l’ Guyana.



Lòt kandida ki te nan kous pou pòs la se aktyèl Sekretè Jeneral Adjwen CARICOM nan, Dr Manorma Soeknandan.


0 comments