crossorigin="anonymous">
 

Claude Joseph enstale kòm Premye Minis


"Premye Minis 'par intérim' Dr Claude Joseph envesti nan fonksyon li 14 avril sa nan yon Konsèy minis yo nan palè nasyonal. Tout resous peyi a mobilize pou adrese prese prese fenomèn ensekirite a", se sa prezidan Jovenel Moïse fè konnen nan yon "tweet" mèkredi 14 avril 2021 an.


Joseph Jouthe te deklare nan yon "tweet" madi 13 avril 2021 an: "Mwen remèt aswè sa demisyon m ak Prezidan Repiblik la SEM Jovenel Moïse. Se te yon onè pou te sèvi peyi m kòm Premye minis. M ap remèsye manm nan Gouvènman m nan, patnè teknik ak finansye yo pou kolaborasyon yo. Ke Dye beni Ayiti!". (Nou fè yon tradiksyon nan lang Kreyòl "tweet" Premye Minis Joseph Jouthe la ki nan lang Fransè)


Aprè Premye Minis Joseph Jouthe fin remèt lèt demisyon l ak Prezidan Jovenel Moïse, men sa nan yon "tweet" Prezidan Jovenel Moïse di: "Demisyon Gouvènman an, ke mwen aksepte, pral pèmèt nou adrese pwoblèm grav sekirite a ak rapousuiv ak diskisyon yo nan objektif pou nou degaje yon antant nesesè ak estabilite politik ak enstitisyonèl nan peyi nou. Minis Claude Joseph nonmen Premye Minis a.i". (Nou fè yon tradiksyon nan lang Kreyòl "tweet" Prezidan Jovenel Moïse la ki nan lang Fransè)


Pou konbyen tan sitwayen Claude Joseph ap rete premye minis "par intérim" peyi Dayiti ? Yon dosye TANBOU VERITE ap suiv.


Jacky M. Fontaine

TANBOU VERITE

0 comments