crossorigin="anonymous">
 

Covid-19 : Ayiti pa aksepte vaksen AstraZeneca a 


Gouvènman ayisyen an boude pwopozisyon OMS la ki te vle fe peyi a kado vaksen Astrazeneca a. "Vaksen sa gen twòp pale anpil ki fèt sou li nan mond lan", daprè sa yon sous nan gouvènman konfye jounal espanyòl EFE. 


Daprè sa sous sa a fè konnen, lap difisil pou popilasyon ayisyèn nan aksepte vaksen sila.


Gouvènman te mande OMS pou li ba li vaksen ki soti nan lòt laboratwa men OMS pat dako. Oganizasyon entènasyonal la menm rive ap fè presyon sou peyi a pou li ka aksepte vaksen an. 


" Paske se yon kado, yo vle enpoze nou li. Menm peyi ki pi byen ekipe pase Ayiti pa rive jere vaksen sa",  se konsa sous la tap pale ak Jounalis EFE a. Ayiti pa gen sistèm refrijerasyon ki adapte   pou konsève vaksen sila


Nap raple depi lè maladi a antre nan peyi a jiska jounen jodi a, otorite sanitè yo konfime  selman 12732 ka Covid-19 ak 251 ka lanmo lakoz Covid-19. 

0 comments