crossorigin="anonymous">
 

Covid-19: Repiblik dominikèn ap voye bay Ayiti 100 mil doz vaksen li te mande a

Gouvènman dominiken an, nan yon nòt pou laprès li pibliye ayè 3 septanm nan, anonse li ap bay Ayiti 100 mil doz vaksen Astra Zeneca li te mande a. 


O total se plis pase 500 mil doz vaksen Repiblik vwazin nan ap gen pou l bay Ayiti, Gwatemala, Ondiras ak plizyè lòt zile nan karayib la ki te mandel. 


Otorite dominikèn yo anonse yo deja òdone demaraj imedya yon pwogram koperasyon entènasyonal pou ede, nan mezi yo kapab, peyi sa yo. 


Gouvènman dominiken an, nan nòt sila, fè konnen li resevwa demand pou vaksen, sou fòm don,  bò kote plizyè gouvènman nan plizyè peyi amerik santral la ak karayib la. 


Jiska jounen 3 septanm nan, Repiblik dominikèn fè konnen li resevwa anviwon 505 mil demand doz vaksen: Ayiti mande 100 mil doz, Ondiras mande 100 mil epi Gwatemala mande 304 mil doz vaksen.

 

0 comments