crossorigin="anonymous">
 

Covid-19: yon milya dòz gentan bay nan mond lan


Plis pase yon milya moun nan mond lan pran vaksen kont kowona viris la, selon yon dekont AFP fè samdi 24 avril la.


Genyen pou pi piti 1 002 938 540 dòz ki bay deja nan 207 kote nan mond lan daprè dekont sa a yo rive fè gras ak kèk dokiman ofisyèl.


Plis pase mwatye nan vaksen sa yo, 58%, bay nan twa peyi: Etazini bay 225,6 milyon dòz, Chin bay 216,1 milyon dòz epi End bay 138,4 milyon dòz.


Men lè yo konsidere kantite moun ki vaksinen yo se Izrayèl ki devan ak prèske 6 izraelyen sou dis (10) ki resevwa tout dòz yo.


Aprè, nou jwenn Emirats Arabes Unis ki genyen 51% popilasyon an ki resevwa pou pi piti yon dòz, Grande-Bretagne ki 49%, Etazini 42%, Chili 41%, Bahreïn 38% epi Irigwe 32%.


Nan zòn Ewòp la genyen 128 milyon dòz ki bay deja pou 21% nan popilasyon an. Malte vini an premye ak 47% popilasyon an ki vaksinen, dèyè l' genyen Hongrie ki gen 37%. Men Almay genyen sèlman 22,6%, Espay genyen 22,3%, Frans genyen 20,5% epi Itali genyen 19,9%.


Fòk nou siyale se plis peye ki gen gwo revni yo ki benefisye vaksen yo. Peyi sa yo ki regwoupe 16% popilasyon mondyal la resevwa 47% dòz yo.


Peyi ki gen revni ki fèb yo reprezante sèlman 0,2% dòz yo

0 comments