crossorigin="anonymous">
 

Daprè Edmond Bocchit, asasen Jovenel Moise yo, si yo gentan kite peyi a, se pa sendomeng yo pase

Pou Edmond Bocchit,  anbasadè ayisyen Ozetazini an, asasina prezidan Jovenel Moise la se yon atak byen monte epi ki trè byen planifye avek pwofesyonel nan domèn krim nan. 



Nan kad entèvansyon lo tap fè sou asasina prezidan, Anbasadè a te deklare, nan mikwo kek jounalis, asasen prezidan yo se plizyè mèsenè pwofesyonèl ki twonpe vijilans ajan sekirite prezidan ki te sou plas yo, nan fè tèt yo pase pou  ajan DEA. Yon enfomasyon plizyè video kap sikile sou nèt la konfime. Nan videyo sa yo, nou kapab tande vwa mèsenè yo, kap pale tanto an anglè, tanto an kreyò e di yo se ajan DEA. 


Andasadè Bocchit panse mèsenè sa yo ka gentan kite peyi a apre yo fin komèt zak sila a. Men, toujou selon anbasadè a,  si yo ta kite peyi a toutbon vre, pwobableman se  Sendomeng yo pase, paske avyon pa vole. 


Nap raple tousuit aprè nouvèl asasina prezidan Jovenel Moïse la te rive jwenn Prezidan dominiken an, Luis Abinader, li te pase lòd prese prese pou fèmen tout fwontyè li yo. 


Edmond Bocchit fè konnen yon ankèt deja louvri pou konnen nasyonalite asasen yo, kibò yo ye ak rezon ki pouse yo komèt zak sila a.


Prezidan Jovenel Moïse, 53 lane, mouri asasine, jodi 7 jiyè. Selon premye minis ai, Claude Joseph, se yon komando ame ki antre kay prezidan, pèleren 5 epi asasinen li. Premye dam nan, pa mouri men li blese grav. Daprè Bocchit, li ale pran swen miami. 

0 comments