crossorigin="anonymous">
 

Devan Nasyonzini, Maduro mande pou leve sanksyon yo kont Venezyela

Prezidan Venezyelyen an,  Nicolas Maduro, nan diskou li devan Nasyonzini jodi mèkredi 22 septanm sa a, mande pou yo leve sanksyon kont Venezyela yo. Maduro deklare peyi li Venezyela al sibi agresyon pèmanan epi  sistematik atravè sanksyon ekonomik, finansye epi  petwòlyè yo."


Daprè sa jounal espanyòl la, EFE rapòte, Maduro,  nan diskou li devan 'Asanble Jeneral Nasyonzini an, deklare : "Nou repete demand nou an, demand nou an pou Etazini ak Inyon Ewopeyèn nan leve tout sanksyon kriminèl  kont ekonomi Venezyelyen an, kont sosyete Venezyelyen an. "


"Yo pousuiv Kont finansye nou yo, yo sezi epi bloke lò ki te nan rezèv legal entènasyonal   Bank Santral nan Venezyela ki twouvel nan Lond lan, yo sezi epi bloke plizyè milya  dola ki sou nan plizyè bank  Etazini, Ewòp ak lot peyi."


Maduro fè konnen "Yo te vle enstrimantalize òganizasyon entènasyonal kap evre nan dwa  entènasyonal yo pou jistifye kanpay feròs ak atak kriminèl kont  pèp Venezyelyen an."


Li eksplike tou sanksyon sa yo konstitye yon atak "kont dwa pou libète ekonomik", ak yon atak  "kont dwa ak garanti ekonomik tout pèp nan mond lan ta dwe benefisye".


Mete sou sa, Prezidan Venezyelyen an fe konnen se tou  "yon atak feròs kont dwa pou achte sa peyi nou an bezwen ak yon atak kont dwa pou vann sa peyi nou an pwodui, an patikilye gwo petwòl ak richès minyè nou yo."

0 comments