crossorigin="anonymous">
 

Direktè Jeneral Lapolis la pale sou lanmò Peguy Simeon an

Nan yon konferans pou laprès li bay jedi 13 me a, Direktè Jeneral Lapolis la, Leon Charles, deplore ensidan « regretab » ki rive Wanament lan e ki ta lakoz lanmò Peguy Simeon aprè yon gwoup polisye fin maspinen l’.

Yon konpòtman ki, selon Leon Charles, pa fè lonè enstitisyon lap dirije a ki genyen respè dwa moun kòm youn nan prensip fondamantal li yo.



Leon Charles voye senpati l’ bay fanmi Peguy Charles. Li deklare Lapolis ap defann tout polisye ki viktim nan egzèsis fonksyon yo e an menm tan lap pran sanksyon kont polisye kap fè aksyon ki pa korèk.


Chèf lapolis la fè konnen genyen 4 polisye ki plase nan izòlman ak 3 lòt ki genyen mezi « konsèvatwa » ki pran kont yo. Li anonse genyen lòt sanksyon kap pran sou plan administratif kont polisye sa yo.


Si nou kwè pawòl nimewo 1 Lapolis la, dosye a pral transfere devan Komisè Gouvènman an pou swit jidisyè yo.


Peguy Simeon te mouri madi 11 me a nan aprèmidi aprè li fin pase yon move moman anba men plizyè polisye pami yo Jacques Dieufène, Jeff Zéphir, Fenelus Manassé ak Antoine Anièce.

0 comments