crossorigin="anonymous">
 

DIRPOD mande kraze tout biwo pou referandòm nan

Direksyon Politik Opozisyon Demokratik la (DIRPOD) fè apèl ak pèp ayisyen an nan tout depatman, komin, seksyon kominal ak dyaspora, daprè Lakay Info, pou mete enèji yo ansanm nan objektif pou kanpe Jovenel Moïse ak ekip li nan foli yo genyen pou enpoze ak nasyon an pa mwayen referandòm yon Konstitisyon ki taye sou mezi ki gen grenn objektif pwoteje aryè yo ak evite yo rapousuiv yo kont tout posib pousuit jidisyè.


DIRPOD ki mande ak popilasyon an pou kraze tout biwo ki gen pou wè ak referandòm Jovenel Moïse pwograme pou 27 jen k ap vini la raple dispozisyon nan atik 284-3 entèdi tout modifikasyon Konstitisyon an pa mwayen referandè. DIRPOD siyale tou manda Jovenel Moïse kòm Prezidan fini 7 fevriye 2021 daprè atik 134-2 Konstitisyon an ak atik 239 dekrè elektoral la.


Direksyon Politik Opozisyon Demokratik la fè apèl ak tout patriyòt, tout Ayisyen, li envite chak sitwayèn ak sitwayen pou kanpe an kwa kont plan sa ki kapab koze malè yo ak Jovenel Moïse ki vle mennen peyi a avègleman nan twou.


Jacky M. Fontaine

TANBOU VERITE

0 comments