crossorigin="anonymous">
 

DIRPOD rankontre yon delegasyon OEA

Direksyon Politik Opozisyon Demokratik (DIRPOD) prezante mèkredi 9 jen sa bilan rankont li avèk manm delegasyon Òganizasyon Eta Ameriken yo otou sitiyasyon politik peyi a.



Manm DIRPOD yo daprè sa AHP rapòte te defann trè byen pozisyon yo devan delegasyon sa, daprè sekretè jeneral pati Fusion des sociaux-démocrates haïtiens Rosemond Pradel ki te patisipe nan rankont sa bò kote ansyen senatè Youri Latortue ak Saurel Jacinthe.


Rosemond Pradel afime li te deklare ak manm delegasyon OEA yo tout solisyon ak kriz la dwe nesesèman pase pa depa prezidan de-facto a Jovenel Moïse.


Yon lòt kote, dirijan politik la estime prezans misyon sa an Ayiti pa ta dwe pwofitab ak rejim PHTK piske misyon an pat fòme sou lòd sekretè jeneral OEA Luis Almagro ki prezante kòm yon pwòch rejim anplas la., men pito li te fòme apati yon rezolisyon ki te adopte pa konsèy pèmanan OEA konsènan move gouvènans pouvwa de-facto ayisyen an, daprè sa Rosemond Pradel fè raple.


<< Jovenel Moïse se yon prezidan ki anpàn manda, reyalizasyon pwochèn eleksyon yo pa posib >>, se sa ansyen senatè Latibonit la Youri Latortue deklare ak manb delegasyon OEA yo, li di tou li te fè yo konnen sitou nominasyon manm konsèy elektoral provizwa konteste a ki fèt andeyò nòm konstitisyonèl yo.


Jacky M. Fontaine

TANBOU VERITE

0 comments