crossorigin="anonymous">
 

Ensekirite: a pati 5 avril, kontenè efè pèsonèl yo ap antre sèlman nan pò Okap ak sa Pòtoprens lan

Nan sousi pou lite kont ensekirite nan peyi a, Premye Minis Joseph Jouthe, nan konferans pou lapres jou ki te mèkredi 3 mas la, anonse plizyè mezi Konsèy Siperyè Polis Nasyonal la  adopte dimanch 28 fevriye 2021an.


Pami mezi sa yo, premye minis lan fè konnen a pati 5 avril 2021, kontenè ki pote efè pèsonèl yo ap antre selman nan pò okap ak Pòtoprens. 


Nan lide sa,  administrasyon Jeneral Ladwàn kap batay pou zam ilegal pa rantre nan peyi a envite direktè biwo santral yo, direktè ansanm biwo nan pò a, ayewopò ak vil pwovens yo pou yo adopte dispozisyon sa yo nou pral site la apati 5 avril 2021:  entèdi dedwànman efè pèsonel yo nan tout lot pò yo; fòse tout transpòtè ak tout moun kap jere antrepo dwanye yo pou yo dechaje tout kontenè ki pote efè pèsonèl yo pou enspeksyon ak verifikasyon.


Ladwàn mande yo tou pou yo fe ajan maritim ak tout lot operatè yo konnen li entèdi pou enpòtatè machin yo mete koli andedan machin yo. Li mande yo tou pou yo verifye tout koli pèsonèl nan tout biwo ki jwenn lòd pou fè sa an prezans yon enspektè an vizit, yon ajan siveyans, moun kap resevwa koli a (destinatè a) osinon komisè dwann nan. 

0 comments