crossorigin="anonymous">
 

Etazini: anpil tansyon nan Minneapolis aprè lapolis fin touye yon nwa


Daunte Wright se non yon jèn gason 20 lane, yon polisye tire yè dimanch lan nan zòn Brooklyn Center, yon lokalite nan Minneapolis, pa twò lwen kote yap fè pwosè Derek Chauvin, polisye sa a ki akize nan lanmò George Floyd la.


Ensidan sa a rive dimanche bò 2 zè nan aprèmidi nan moman lZapolis ta mande viktim nan pou li kanpe machin li tap kondwi a akoz de yon bagay ki te pandje moun`nan retwovizè a sa ki se yon enfraksyon nan Eta Minnesota. Sepandan, ACLU, yon òganizasyon kap defann dwa moun, fè konnen yo sèvi ak sa kòm pretèks pou yo arete jèn nwa yo.


Lapolis kote pa l' fè konnen te gen yon manda dèyè Daunte Wright san di poukisa manda sa a.


Yo eksplike yo te gen yon manda pou yo arete Duante Wright, men li deside monte machin li pou li ale. Se nan moman sa a youn nan polisye yo tire sou li. Machin nan kontinye kouri aprè l' fin pran bal la jiskaske li al fè kolizyon ak yon lòt. Jèn gason an mouri kote aksidan an te fèt la.


Nouvèl lanmò sa a pwovoke yon gwo mouvman pwotestasyon ki te kòmanse devan komisarya polis nan zòn nan ak afwontman ant Lapolis ak manifestan yo.


Lapolis pou kraze mouvman an te sèvi ak gaz lakrimojèn, bal kawotchou, elatriye. Nan lannwit, yon ti tan avan minwi, manifestan yo te fè dechoukay nan de (2) sant komèsyal nan zòn nan.


Gouvènè eta a, Tim Waltz, nan yon mesaj sou twitter fè konnen lap gade kijan sitiyasyon an ap evolye e lap priye pou fanmi Duante Wright pandan Eta Minnesota ap kriye akoz yon "nwa anplis" lapolis touye.

0 comments