crossorigin="anonymous">
 

Etazini nonmen anbasadè Daniel Foote kòm anvwaye espesyal pou Ayiti


 

Nan yon twit li fè maten an, Sekretè deta ameriken an, Antony Blinken, anonse nominasyom  anbasadè Daniel Foote kòm anvwaye spesyal ameriken pou Ayiti. 


Men kisa Sekretè deta ameriken a te twite: "Nou kontan anonse  Anbasadè Daniel Foote, yon manm ki fè karyè nan Senyò Sèvis etranje a, pral Anvwaye spesyal pou Ayiti. Li pral dirije, ansanm ak Anbasadè Etazini, efò nou yo pou sipòte pèp ayisyen an, apre asasina Jovenel Moïse la. "


Anbasadè Daniel Foote te sèvi kòm Adjwen Chèf Misyon an Ayiti ak Anbasadè Etazini nan Zanbi. Daprè yon kominike  Depatman Deta Ameriken an pibliye, Anbasadè Foote pral angaje l patnè ayisyen ak entènasyonal yo pou fasilite lapè ak estabilite pou yon long dire e sipòte efò pou òganize eleksyon prezidansyèl ak lejislatif lib e jis.


Toujou selon kominike sila, li pral travay ak patnè yo pou kowòdone efò asistans nan plizyè domèn, tankou  èd imanitè, sekirite ak èd pou ankèt yo. Anplis de sa, Foote pral angaje sosyete sivil la ak moun  nan sektè prive a nan pwosesi pou chache solisyon, sou direksyon ayisyen, ak pil defi ijan ayiti ap fè fas aktyelman. 


Comment / Share / Like

 

0 comments