crossorigin="anonymous">
 

Etazini: yon fanm dekouvri prèske yon milya dola sou kont bank li


Julia Yonkowski, yon fanm kap viv nan zòn Florid alòske li te ale nan yon gichè elektwonik pou li te retire 20 dola, dekouvri kantite lajan ki sou kont li a rive prèske yon milya dola.


Dam nan ki te deside verifye kont li avan l' retire kòb te sezi wè l' genyen sou kont li 999,985,855.94 dola.


Malgre gwo montan sa a dam nan deside kanmenm fè retrè 20 dola li te vin fè a. Lè sa a machin nan di l' si l' retire 20 dola a sa ap antrene yon "découvert" de kont li a (𝒔𝒂 𝒌𝒊 𝒓𝒊𝒗𝒆 𝒍𝒆̀ 𝒘 𝒅𝒆𝒑𝒂𝒏𝒔𝒆 𝒑𝒍𝒊𝒔 𝒍𝒂𝒋𝒂𝒏 𝒌𝒆 𝒌𝒂𝒏𝒕𝒊𝒕𝒆 𝒐𝒖 𝒈𝒆𝒏𝒚𝒆𝒏 𝒔𝒐𝒖 𝒌𝒐𝒏𝒕 𝒐𝒖).


Daprè deklarasyon li fè nan yon medya lokal, Julia Yonkowski fè konnen li te pè. « M' konnen gen lòt moun ki tap panse yo genyen nan lotri. Men mwen menm mwen te pè», se sa li te di.


Li ajoute:«Mwen li istwa sou moun ki te resevwa lajan sa yo ki te sèvi ak li e aprè yo te oblije remèt li. Antouka, mwen menm mwen pap fè sa paske se pa lajan m'.»


Julia Yonkowski di l' pè pou li pa viktim atak «cybercriminel», konsa li te eseye kontakte bank lan pou li ranje sa. Malerezman, pat gen pèsòn pou te reponn apèl li a. Li prevwa ale pèsonèlman nan bank lan pou li aranje sa.


Sitiyasyon Julia Yonkowski a raple nou yon fim ayisyen ki te sòti nan kòmansman ane 2000 yo ki rakonte istwa yon jèn gason ki te genyen yon milyon dola monte sou kont li. Nou vle pale de « Millionnaire par erreur».

0 comments