crossorigin="anonymous">
 

Etazini : yon fanm nwaye kèk tan aprè li fin montre an dirèk yon inondasyon sou rezo sosyal yo

Yon fanm nan Tennessee , nan zòn sid Etazini, mouri nwaye pandan yon inondasyon, yon ti tan aprè li fin montre inondasyon an an dirèk sou rezo sosyal yo samdi 21 out pase a. Selon yon medya lokal, Linda Almond, 55 lane, te lakay li nan vil Waverly lè dlo te pote l' ale.


Linda te deklare an dirèk :«Ebyen, si yon moun wè m' sou Facebook, nou inonde nan moman sa a nan Waverly, Tennessee. Sa lèd tout bon». Nan imaj yo li posib pou nou wè divès bagay dlo a ap bwote nan lari a.


Kèk tan aprè, gen yon vwa gason, petèt se pitit li, ki pale ak Linda. Li te di :« Sanble gen yon bagay ki frape sou kote kay la». Linda te reponn:«O Bondye. O Bondye». La menm videyo a te koupe.


Daprè medya lokal yo, Linda ak pitit li a te monde sou do kay la lè dlo te kòmanse anvayi yo. Malerezman pou yo, twati a tonbe e kouran dlo a bwote yo. Yo rive sove pitit la men Linda li menm li mouri. Toujou selon medya lokal yo, inondasyon yo touye pou pi piti 22 moun nan rejyon an.

0 comments