crossorigin="anonymous">
 

Etazini : yon jij konpare fizi otomatik yo ak kouto swis (kanif)

Plis pase yon semèn aprè yon anplwaye Valley Transportation ki twouve l' San José, nan Eta California, fin touye plizyè kòlèg travay li avan l' touye tèt li, yon jij federal, Roger Benitez, deside leve entèdiksyon ki genyen depi plis pase 30 lane sou zam otomatik yo nan eta California a.



Nan yon dokiman 94 paj li pibliye, jij la fè konnen entèdiksyon sa a ilegal epi li konpare fizi otomatik yo ak kouto swis ( modèl kanif ki gen lam ki ka pliye yo).


Jij la ekri :«Menm jan ak yon kouto swis, yon fizi semi-otomatik AR-15 se pi bon egzanp zam yon moun kapab itilize pou li defann lakay li ak patri l'».


Konparezon sa a fè respake ak paran viktim fiziyad yo mal anpil. Dayè li depaman ak deklarasyon Joe Biden ki te fè konnen fiziyad yo se yon epidemi nasyonal.


Gouvènè Californie an, Gavin Newsom, pa pataje desizyon jij la e anonse yap fè apèl de jijman ki, pou li, se yon menas pou sekirite ak vi inosan lap viv nan Eta sa a.

0 comments