crossorigin="anonymous">
top of page

Fineray Jovenel Moïse : yon foto ap fè "buzz" sou rezo sosyal yo


 

Yon foto machin ki te transpòte kò ansyen prezidan Jovenel Moïse ap pwopaje sou Internet la tankou yon viris. Foto "fourgon funèbre" la sisite anpil kòmantè sou rezo sosyal yo.


Anpil Ayisyen pami yo sa k ap itilize Internet la santi yo endiye, revòlte ak imilye pou yo wè nan ki kondisyon ekstrèmman movè kò defen an Jovenel Moïse te transpòte nan yon ti bis ki nan yon move eta.


Anpil moun sou rezo yo aprè yo fin wè tretman kò defen an sibi estime Jovenel Moïse asasine yon dezyèm fwa. Foto sèkèy 58èm Chèf Leta a nan yon ti bis vin ap pwopaje sou tout platfòm nimerik yo tankou yon viris.


Fristre, moun k ap itilize Internet la kite kolè yo eklate pandan yo lanse kèk pawòl piman bouk alandwa otorite ayisyèn yo ki daprè yo pa sispann fini ak imaj peyi a avèk tout volonte yo genyen.


Pou rapèl, Jovenel Moïse te mouri asasine lakay li nan Pèleren 5 nan lannuit madi 6 pou louvri mèkredi 7 jiyè 2021. Fineral Jovenel Moïse chante jodi vandredi 23 jiyè 2021 sa nan Okap-Ayisyen nan Depatman Nò peyi Dayiti.


Kredi Foto : Ticket



Jacky M. Fontaine

TANBOU VERITE

 

0 comments
bottom of page