crossorigin="anonymous">
 

Fineray Jovenel Moïse ap chante vandredi 23 jiyè 2021

Updated: Jul 20, 2021



. .

Ayiti. Asasina Jovenel Moïse. Gouvènman fikse dat fineray nasyonal yo. Ministè Kilti ak Kominikasyon pwononse vandredi 16 jiyè 2021 sa sou dat ki kenbe pou òganizasyon fineray prezidan Jovenel Moïse ki te asasine daprè Claude Joseph pa yon 'commando' ame, nan lannuit madi 6 rive mèkredi 7 jiyè 2021 lakay li nan Pèleren 5. Daprè minis Pradel Henriquez, fineray Jovenel Moïse ap chante vandredi 23 jiyè 2021 k ap vini la.


Nan konferans pou laprès jodi vandredi 16 jiyè sa, minis Kilti ak Kominikasyon an enfòme kò prezidan Jovenel Moïse pral anba tè 23 jiyè, toutfwa, Pradel Henriquez pa presize ki kote fineray yo ap chante. Minis Pradel ajoute gouvènman an nan diskisyon avèk manb fanmi defen an pou bay yon kote fineray yo ap chante.


Jovenel Moïse se te 58è prezidan peyi Dayiti ak li vini 5è prezidan ki mouri asasine. Krim asinay ki fèt sou prezidan de facto Jovenel Moïse la, daprè otorite gouvènman ayisyèn yo, se yon 'commando' ame ki konpoze de 28 mèsenè pami yo 26 gen nasyonalite kolonbyèn ak 2 gen nasyonalite ameriken ki gen orijin ayisyèn ki rive fè zak sila.


Jacky M. Fontaine

TANBOU VERITE

. .

0 comments