crossorigin="anonymous">
 

Foutbòl Entènasyonal/ Léo Messi depase Pelé

Messi fè 3 gòl fas ekip Bolivi a nan lannwit 9 septanm 2021 an nan kad eliminatwa Mondyal 2022 a nan zòn Amsid la.


Pèfòmans sa a pèmèt kapitèn ekip "Albiceleste" a depase wa Pelé kòm meyè bitè sidameriken nan zafè seleksyon ak 79 gòl.


Nan okazyon 10è jounen eliminatwa Mondyal Qatar 2022, Ajantin bat peyi Bolivi 3 gòl a 0. Twa gòl ki make pa ajantin an Léo Messi ki tou vini mèyè bitè nan istwa seleksyon nasyonal nan zòn sid amerikèn nan devan Pelé ki te genyen 77 gòl. Kapitèn ajanten an atenn chif sa a aprè 153 match li jwe pou peyi l.


Léo Messi ki pa twò lontan rejwenn ekip Paris Saint-Germain an te pwofite match sa a fas ak ekip La Verde nan estad Monumental kapital peyi Ajantin (Buenos Aires) pou li te prezante bay piblik ajanten an twofe Copa America a yo te pran kont ekip Brezil la ki se pi gwo rival yo nan zòn nan.


Gras ak viktwa sa, Ajantin okipe dezyèm plas nan klasman avèk sèlman 18 pwen. Tandiske Bolivi an 9è pozizyon li genyen 6 pwen.


Kite nou di, 7 oktòb k ap vini la, Ajantin ap gen pou ale Paragwe epi Bolivi ap gen pou li twoke kòn li ak ekip Ekwatè a.


N ap souliye, pa twò lontan lejand Foutbòl la Pelé te sibi yon operasyon ak yon kansè li te genyen nan kolon dwat li. Nan deklarasyon li fè aprè operasyon an, Pelé di Bondye mèsi paske li trè byen pou koulye a. Li di Bondye mèsi tou ki te penmèt doktè Fabio ak doktè Miguel te pran swen l.


Pelé se sel jwè nan tout istwa Foutbòl la ki rive ranpòte 3 koup di mond. Li te chanpyon koud di mond lane sa yo : 1958,1962,1970. Pelé rete meyè bitè istorik ekip brezilyèn nan avèk 77 gòl.


Danio Daniel

 

0 comments