crossorigin="anonymous">
 

Fritz Robert ST PAUL,  nouvo Prezidan CSCCA

Kou siperyè kont ak kontansye administratif gen yon nouvo prezidan nan tèt li: konseye Fritz Robert ST PAUL ki eli pou yon lane. Nan pòs sila, Konseye St Paul ranplase Rogavil BOISGUÉNÉ. 


Nan yon nòt pou laprès ki soti mèkredi 22 septanm nan, prezidan biwo konsèy Kou siperyè kont ak kontansye administratif a ( CSCCA nan lang fransè), anonse Fritz Robert ST PAUL kòm nouvo Prezidan CSCCA aprè li fin ranpòte eleksyon yo ki te fèt menm jodi mèkredi 22 septanm nan. 


Nouvo biwo konsèy CSCCA pou egzèsis fiskal 2021-2022 a monte konsa: konseye Fritz Robert ST PAUL, Prezidan, konseye Rogavil BOISGUÉNÉ, visprezidan.


Pou rapèl, sa fè dezyèm fwa konseye Fritz Robert ST PAUL ap gen poul dirije CSCCA. Avan sa, nan lane 2015, li te prezide Kou a. 


Bò kote pal, konseye  Rogavil Boisguéné te eli, pou yon dezyèm fwa, nan mwa septanm ane pase a kom prezidan CSCCA.

0 comments