crossorigin="anonymous">
 

Gouvènman Meksiken an di li prè pou akeyi migran ayisyen yo

Sekretè relasyon exteryè yo nan peyi Meksik, Marcelo Ebrard, deklare  jodi lendi 20 septanm nan,  gouvènman Meksiken an "prè pou akeyi migran Ayisyen yo", a kondisyon "yo repsekte lwa peyi a."


"Meksik pa gen okenn pwoblèm pou yo vini nan peyi nou an, depi yo respekte lwa meksikèn yo", se deklarasyon sa Marcelo Ebrard te fè, daprè sa plizyè medya meksiken rapòte.  


Sekretè Ebrard fè konnen se vre Meksik prè pou resevwa yo, men pifo ladan yo se Etazini yo bezwen ale. "Nou pwopoze yo tout kalite solisyon a travè Enstiti Naysonal Migrasyon yo. Selman Kèk ladan yo ki aksepte. Sa ki aksepte yo, daprè mw, estime a anviwon 15% selman."


Otorite imigrasyon ameriken yo arete plis pase 13 mil migran ki pa an règ, pami yo, anpil ayisyen. Yo mete yo nan yon kan sou pon entenasyonal ki relye Del Río (Tegzas) avèk Ciudad Acuña ( Meksik). 


Bò kote pa yo, gouvènman ameriken an, deklare depi migran yo rive Etazini ilegalman, Otorite ameriken yo ap retounen yo nan peyi yo. 

0 comments