crossorigin="anonymous">
 

Je olenpik Tokyo 2020: seleksyon U23 Ayiti elimine

Updated: Apr 1, 2021


Seleksyon olenpik la, ki regwoupe jwè ki gen pi piti pase 23 zan yo, tonbe devan ekip Salvador a yèswa nan kad eliminatwa je olenpik Tokyo 2020 yo.


Defèt sa a fè Ayiti fini Katriyèm nan gwoup li a ak Yon grenn pwen dèyè Honduras, Canada ak Salvador.


De ekip ki kalifye pou demi-final nan poul sa a se Honduras ak Canada.


Canada, nan yon batay san pou san nò-ameriken, ap gen pou l' twoke kòn dimanch ak ekip Mexique la. Alòske Honduras, kote pa l', pral afwonte ekip amerikèn nan.


Nap raple se 2 finalis yo kap gen chans reprezante zòn CONCACAF la nan je yo ki prevwa pou fèt sòti 23 jiyè pou rive 8 out 2021.


Ayiti, nan tounwa pre-olenpik sa a, jwe twa (3) match, li fè yon match nil, 2 defèt, li enskri yon gòl, li pran senk. Grenn gòl seleksyon U23 a enskri nan tounwa a se Roberto Bagio Louima ki enskri l'.

0 comments