crossorigin="anonymous">
 

Jean-Jacques Pierre nonmen 'manager en chef' Foutbòl Ayisyen an!


Enfòmasyon an tonbe anfen, Jean-Jacques Pierre vini ofisyèlman seleksyonè seleksyon nasyonal ayisyèn nan, daprè MediaSportHaiti.


Nouvèl la genyen efè yon bonm. 2 jou diskisyon yo ki te fèt 3 ak 8 me 2021 an nan lokal biwo federal ayisyen an pou jwenn yon bout ak kriz pou seleksyon an gen yon antrenè anfen sa byen tonbe pou Jean-Jacques Pierre ki sòti ak yon kontra alontèm. Kontra sa di yon kote nouvo 'coach' la ap gen yon anpriz san limit sou tout ekip nasyonal ayisyèn yo nan tout kategori konfondi nan foutbòl la.


Pami match fa sa yo k ap tann Jean-Jacques Pierre, nouvo seleksyonè Ayiti a dwe ilistre l 5 jen fas ak Tikennkaykòs ak 8 jen kont Nikaragwa nan estad 'Sylvio Cator'. Match sa yo konte pou eliminatwa koupdimond 'Qatar 2022'. Match retou kont Nikaragwa ap fèt 12 jen epi anfen Grenadye yo ap afwonte Sen-Vensan & Grenadin 12 jiyè 2021.


Jacky M. Fontaine

TANBOU VERITE

0 comments