crossorigin="anonymous">
 

Jedi 22 Jiyè 2021 / Mach nan Kap Ayisyen pou mande jistis pou Jovenel Moise


 

Plizyè santèn sitwayen nan nò peyi Dayiti mache jodia nan vil kap Ayisyen pou kontinye mande otorite yo fè limyè sou asasina prezidan Jovenel ki mouri asasinen lakay li nan Pèlerin 5 nan lannwit 6 pou bout 7 Jiyè 2021.


Pwotestatè sa yo ki pase nan plizyè ri nan vil kap Ayisyen ak pannkat nan men voye anpil piman bouk kont anpil otorite nan peyi a.


Pou sitwayen sa yo se yon gwo konplo kont nèg nan nò pou anpil nan moun sa yo Jovenel Moise pa premye Prezidan ki soti nan Nò peyi Dayiti ki asasinen.


Nou dwe di pandan anpil preparasyon ap fèt pou antèman Jovenel Moise vandredi 23 Jiyè 201 an anpil kote deja gen gwo leve kanpe, Léon Charles Direktè PNH la plizyè sitwayen ayè te rele chalbare deyè l nan kap Ayisyen.



DANIEL DANIO TANBOU VERITE daniodaniel063@gmail.com






 

0 comments