crossorigin="anonymous">
 

Jij Eno René Louis libere aprè yo fin bay lajan


Mèt Eno René Louis ki se jij de pè titilè nan tribinal de pè Petyonvil jwenn liberasyon l aprè yo fin vèsè lajan pou libere l, daprè medya anliy "Le Facteur Haïti", aprè bandi san fwa ni lwa te anlve l epi fèmen l yon kote samdi 27 mas pase a nan komin Kwadèboukè.


N ap raple, Asosiyasyon Majistra yo (ANAMAH, RENAMAH ak APM) nan yon nòt yo te siyen ansanm di yo te tris pa anlèvman sa pandan yo te reklame liberasyon sen ak sof pou viktim nan ki se Eno René Louis.


Yon lòt kote, anplwaye tribinal de pè nan Petyonvil te manifeste pandan plizyè jou pou te egzije liberasyon jij Eno René Louis. Jou ki te lendi 29 mas 2021 an, anplwaye yo nan tribinal de pè nan Petyonvil te leve kanpe pou mande ravisè yo libere jij Eno René Louis prese prese san kondisyon.


Jacky M. Fontaine

TANBOU VERITE

0 comments