crossorigin="anonymous">
 

Jounalis Yandy Frantz Fidèle demanti endividi ki endekse l nan yon nòt mansonjè sou pati politik ASE

Jounalis radyo Ibo a, Yandy Frantz Fidèle nan yon nòt demanti ak denonsiyasyon li poste sou paj Facebook li mèkredi 8 septanm 2021 sa fè konnen li pa emèt okenn kòmantè sou pati politik ASE ki gen ansyen depite Cholzer Chancy nan tèt li. Jounalis la pwofite pote daprè sa l di yon demanti fòmèl ak endividi mal entansyone ki asosye non l avèk yon nòt mansonjè ki endekse pati politik ASE.


An nou li nòt la nan tout entegralite l.-


Nòt demanti ak denonsiyasyon.


Yandy Frantz Fidèle jounalis radio Ibo vle pote yon demanti fòmèl e de fèt li demanti endividi mal entansyone ki asosye nom'l avèk yon nòt mansonjè ki endekse pati politik ASE.


Jounalis radio Ibo a pa emèt ankenn kòmantè sou pati politik sa a ansyen prezidan chanm depite a Cholzer Chancy ap dirije. Yandy Frantz Fidèle eksprime'l sou dosye piblik 3 kote: sou radio Ibo, sou paj Facebook li ki se Fidèle Yandy Frantz ak sou kont Tweeter li @YandyFrantz.


Nan sans sa a tout pozisyon piblik nou pran sou dosye piblik ekri oswa pale sou medya ak platfòm sa yo. Nou konseye tout moun ki wè nom nou site oswa ekri pou konsilte zouti sa yo pou konfimasyon ak verifikasyon. Ou kapab ekri nou tou sou adrès elektronik nou: fyandyfrantz@yahoo.fr


Mèsi anpil!



TANBOU VERITE

0 comments