crossorigin="anonymous">
 

Jovenel Moïse inogire baraj Maryon ki an konstriksyon depi 2018

Akonpanye de madanm li, Martine Moïse, premye minis a.i Claude Joseph, kèk manm gouvènman an, kèk manm kò diplomatik, minis agrikilti dominiken an, prezidan peyi a Jovenel Moïse inogire, jou ki te samdi premye a, baraj idwo elektrik Maryon nan nòdès peyi a.


Lanse depi 2018, se yon pwojè ki gen 3 zan depi l ap reyalize. Li koute trezò piblik anviwon 10 milyon dola ameriken, li gen 10 basen dlo ki ka kenbe 10 milyon m³ dlo ki ka fè pase 20 milyon m³ dlo pa ane, swa 450m³ dlo pa segond. Baraj la ap pèmèt to wouze 10 000 ekta tè. Anplis de sa, li ap pwodwi kouran pou rejyon avwazinant yo. Li ap anpeche tou ke dlo anvayi zòn Malfety lè gen gwo lapli.



Nan jou ki ap vini yo, direktè DINEPA pwomèt ke li pral travay pou moun nan zòn Tèrye Wouj, Gran Basen, Pèch ka jwenn dlo trete pou yo bwè. Kanta pou kouran an, yo poko di kilè y ap kòmanse ak enstalasyon pou li.

0 comments