crossorigin="anonymous">
 

Jovenel Moïse mande Nasyonzini èd pou polis nasyonal la 

Updated: Apr 6, 2021


Yon jou aprè Prezidan Jovenel Moïse te fin mande OEA sipò li pou polis nasyonal la, li adrese li ak Nasyonzinj, toujou nan lide pou jwenn sipò teknik ak lojistik pou enstitisyon polisyè a. 


Se sou kont twitè li , prezidan te anonse nouvel la : "jounen madi 16 mas la, mwen te gen yon chita pale  ak Sekretè Jeneral Nasyonzini an, Antonio Guterres. Mwen te mande Nasyonzini sipò teknik ak lojistik pou PNH la, nan lòd pou konbat bandi an Ayiti ak ranfòse pwogram nan rediksyon povrete."


Prezidan Jovenel te kontinye, nan yon lòt tweet, pou li bay plis detay sou rankont sila : "Nan rankont sila, sekretè jeneral Antonio Guterres ak mwen te diskite sou kesyon dyalòg nasyonal ayisyen ak ayisyen an."


Pi lwen, Prezidan Jovenel Moise di li toujou rete sèten dyalòg la se solisyon kriz kap ravaje peyi dayiti a.  "mwen rete kwè atravè dyalòg sa a, nou ap rive rezoud kriz aktyèl la ak bati ansanm yon Ayiti ki pi jis, ini, ki ap pwospere. "


Yon lòt bò, opozisyon an toujou rete solid sou pozisyon l: pyès dyalog pa posib avek Prezidan Jovenel Moise nan tèt pouvwa. 

0 comments