crossorigin="anonymous">
 

Kèk antrepriz piye jounen vandredi 18 jen an

Komin Delma pi presizeman nan ba Delma konnen yon jounen tansyon kote nèg ak zam ap goumen ant yo sa ki lakòz plizyè magazen ki nan zòn nan piye, daprè enfòmasyon plizyè medya lokal rapòte.



Pami magazen ki sibi piyaj jounen vandredi 18 jen 2021 an, nou kapab site Mache TiTony. Daprè sa anpil moun fè konnen, se ta va bandi ki sou kontwòl pouvwa anplas la ki ta piye magazen Mache TiTony.


Pandan bandi yo kontinye ap afwonte yonn ak lòt, Jovenel Moïse anvwayaj nan peyi Tiki pou pale envestisman.


Plizyè magazen ki pou kèk gran envestisè nan katye yo rele katye defavorize yo pase yon move moman jounen vandredi 18 jen sa. Kite nou raple, pwopriyetè antrepriz Mache TiTony ki se yon magazen ki piye jodi vandredi a te nan lari nan mouvman sòti septanm rive novanm 2019 ki t ap reklame pou Jovenel Moïse kite pouvwa.


Jacky M. Fontaine

TANBOU VERITE

0 comments